Авторская Программа
Авторская Программа
Авторская Программа
КИНО
МУЗЫКА
Метки и теги
Авторизация
Гадания онлайн
Гадания онлайн
Главные новости
Вопрос - Ответ
Наш опрос
Откуда Вы о нас узнали?
Рассылка новостей
Партнёры:

Туристический комплекс



Вселенная радости



» » » » Рождество Христово — что поется в этот день в храме

Рождество Христово — что поется в этот день в храме



Рождество Христово — что поется в этот день в храме

 

  Церковные песнопения и каноны, посвященные прославлению Рождества Христова, составлены знаменитыми песнопевцами Церкви, святыми Константинопольскими архиепископами: Григорием Богословом, Анатолием и Германом; святым Андреем, архиепископом Критским, преподобным Иоанном Дамаскиным, св. Космою, епископом Маиумским, инокиней Кассией и другими. Произведения названных богословов прекрасны поэтическими образами, безграничной глубиной богословского умозрения и силой чувства.

Идейное содержание этих творений в целом представляет историко-богословское изображение тайны Рождества Христова. Песнопения праздника упоминают также о переписи иудеев кесарем Октавианом Августом, о путешествии Иосифа Обручника и Пресвятой Девы Марии в Вифлеем, излагают некоторые подробности Рождества Христова и кратко замечают о бегстве Святого семейства в Египет от царя Ирода.

Основываясь на Евангельском повествовании о Рождестве Спасителя, святые песнопевцы подчеркивают исключительное значение этого мирового события для спасения всего человеческого рода и вдохновенно призывают к духовному торжеству и ликованию. По сравнению с Евангелием, литургическое раскрытие истории настоящего праздника закономерно отличается некоторыми особыми свидетельствами. Например, здесь мы встречаем слова Богоматери к родившемуся Богомладенцу и Ее разговор при встрече с волхвами. Другой пример. В Евангелии не поясняется, какова была буря смятения в душе Иосифа Обручника при виде Пресвятой Девы непраздною. В богослужебных же песнопениях приводится диалог на эту тему Иосифа и Преблагословенной Марии.

 Тропарь, глас 4:

 Рождество Твое, Христе Боже наш,

воссия мирови свет разума,

в нем бо звездам служащии звездою учахуся

Тебе кланятися Солнцу правды

и Тебе ведети с высоты Востока,

Господи, слава Тебе.

Кондак, глас 3:

Дева днесь Пресущественнаго раждает,

и земля вертеп Неприступному приносит,

Ангелы с пастырьми славословят,

волсви же со звездою путешествуют:

нас бо ради родися Отроча младо

Превечный Бог.

Кондак, глас 6:

Иже прежде денницы от Отца без матере родивыйся,

на земли без Отца воплотивыйся днесь из Тебе:

темже звезда благовествует волхвам,

Ангелы же с пастырьми поют

несказанное Рождество твое,

Благодатная.
Величание

Величаем Тя,

Живодавче Христе,

нас ради ныне плотию рождшагося

от Безневестныя и Пречистыя Девы Марии.

Рождественское всенощное бдение состоит из великого повечерия и утрени.

 ВЕЛИКОЕ ПОВЕЧЕРИЕ
Рождество Христово — что поется в этот день в храме

 Молитвами святых отец наших Господи, Иисусе Христе, Сыне Божий, помилуй нас. Аминь.

Слава Тебе Боже наш, слава Тебе.

Царю Небесный:

Трисвятое.

Пресвятая Троице:

Отче наш.

Господи помилуй, 12.

Приидите поклонимся: трижды.

 Псалом 4

Внегда призвати ми, услыша мя Бог правды моея: в скорби распространил мя еси. ущедри мя, и услыши молитву мою. Сынове человечестии, доколе тяжкосердии? вскую любите суету, и ищете лжи? И уведите, яко удиви Господь преподобнаго Своего: Господь услышит мя, внегда воззвати ми к Нему. Гневайтеся, и не согрешайте: яже глаголете в сердцах ваших, на ложах ваших умилитеся. Пожрите жертву правды, и уповайте на Господа. Мнози глаголют: кто явит нам благая? знаменася на нас свет лица Твоего, Господи. Дал еси веселие в сердце моем, от плода пшеницы, вина и елеа своего умножишася. В мире вкупе усну и почию: яко Ты Господи, единаго на уповании вселил мя еси.

Псалом 6

 Господи, да не яростию Твоею обличиши мене, ниже гневом Твоим накажеши мене. Помилуй мя Господи, яко немощен есмь: исцели мя Господи, яко смятошася кости моя. И душа моя смятеся зело: и Ты Господи, доколе? обратися Господи, избави душу мою, спаси мя ради милости Твоея: яко несть в смерти поминаяй Тебе, во аде же кто исповестся Тебе? Утрудихся воздыханием моим, измыю на всяку нощь ложе мое, слезами моими постелю мою омочу. Смятеся от ярости око мое, обетшах во всех вразех моих. Отступите от мене вси делающии беззаконие, яко услыша Господь глас плача моего. Услыша Господь моление мое, Господь молитву мою прият. Да постыдятся, и смятутся вси врази мои: да возвратятся, и устыдятся зело вскоре.

Псалом 12

Доколе, Господи, забудеши мя до конца? Доколе отвращаеши лице Твое от мене? Доколе положу советы в души моей, болезни в сердце моем день и нощь? Доколе вознесется враг мой на мя? Призри, услыши мя Господи Боже мой, просвети очи мои, да не когда усну в смерть. Да не когда речет враг мой: укрепихся на него. Стужающии ми возрадуются, аще подвижуся. Аз же на милость Твою уповах: возрадуется сердце мое о спасении Твоем. Воспою Господеви благодеявшему мне, и пою имени Господа Вышняго. Призри, услыши мя Господи Боже мой, просвети очи мои, да не когда усну в смерть: Да не когда речет враг мой: укрепихся на него.

Слава, и ныне:

Аллилуиа, аллилуиа, аллилуиа, слава Тебе Боже. Трижды. И поклоны 3.

 Господи помилуй, трижды.

Слава и ныне:

 Псалом 24

К Тебе Господи, воздвигох душу мою, Боже мой на Тя уповах, да не постыжуся во век, ниже да посмеют ми ся врази мои: Ибо вси терпящии Тя, не постыдятся. Да постыдятся беззаконнующии вотще. Пути Твоя Господи, скажи ми, и стезям Твоим научи мя. Настави мя на истину Твою, и научи мя: яко Ты еси Бог Спас мой, и Тебе терпех весь день. Помяни щедроты Твоя Господи, и милости Твоя, яко от века суть. Грех юности моея, и неведения моего не помяни, по милости Твоей помяни мя Ты, ради благости Твоея Господи. Благ и прав Господь, сего ради законоположит согрешающим на пути. Наставит кроткия на суд, научит кроткия путем Своим. Вси путие Господни милость и истина, взыскающим завета Его и свидения Его. Ради Имене Твоего Господи, и очисти грех мой, мног бо есть. Кто есть человек бояйся Господа? Законоположит ему на пути, егоже изволи. Душа его во благих водворится, и семя его наследит землю. Держава Господь боящихся его, и завет Его явит им. Очи мои выну ко Господу, яко Той исторгнет от сети нозе мои. Призри на мя, и помилуй мя, яко единород и нищ есмь аз. Скорби сердца моего умножишася, от нужд моих изведи мя. Виждь смирение мое и труд мой, и остави вся грехи моя. Виждь враги моя, яко умножишася, и ненавидением неправедным возненавидеша мя. Сохрани душу мою, и избави мя, да не постыжуся, яко уповах на Тя. Незлобивии и правии прилепляхуся мне, яко потерпех Тя Господи. Избави Боже, Израиля от всех скорбей его.

Псалом 3

На Тя Господи уповах, да не постыжуся во век, правдою Твоею избави мя, и изми мя. Приклони ко мне ухо Твое, ускори изъяти мя. буди ми в Бога Защитителя, и в дом прибежища, еже спасти мя. Яко Держава моя, и Прибежище мое еси Ты: и Имене Твоего ради наставиши мя, и препитаеши мя. Изведеши мя от сети сея, юже скрыша ми: яко Ты еси Защититель мой Господи. В руце Твои предложу дух мой: избавил мя еси Господи Боже истины. Возненавидел еси хранящия суеты вотще: аз же на Господа уповах. Возрадуюся и возвеселюся о милости Твоей, яко призрел еси на смирение мое, спасл еси от нужд душу мою. И неси мене затворил в руках вражиих, поставил еси на пространне нозе мои. Помилуй мя Господи, яко скорблю, смятеся яростию око мое, душа моя и утроба моя. Яко исчезе в болезни живот мой, и лета моя в воздыханиих: изнеможе нищетою крепость моя, и кости моя смятошася. от всех враг моих бых поношение, и соседом моим зело, и страх знаемым моим: видящии мя вон бежаша от мене. Забвен бых яко мертв от сердца, бых яко сосуд погублен. Яко слышах гаждение многих живущих окрест: внегда собратися им вкупе на мя, прияти душу мою совещаша. Аз же на Тя Господи уповах, рех: Ты еси Бог мой. В руку Твоею жребии мои, избави мя из руки враг моих, и от гонящих мя. Просвети лице Твое на раба Твоего, спаси мя милостию Твоею. Господи, да не постыжуся, яко призвах Тя, да постыдятся нечестивии, и снидут во ад. Немы да будут устны льстивыя, глаголющия на праведнаго беззаконие, гордынею и уничижением. Коль многое множество благости Твоея Господи, юже скрыл еси боящимся Тебе, соделал еси уповающим на Тя, пред сыны человеческими. Скрыеши их в тайне лица Твоего от мятежа человеческа: покрыеши их в крове от пререкания язык. Благословен Господь, яко удиви милость Свою во граде ограждения. Аз же рех во изступлении моем, отвержен есмь от лица очию Твоею: сего ради услышал еси глас молитвы моея, внегда воззвах к Тебе. Возлюбите Господа вси преподобнии его, яко истины взыскает Господь и воздает излише творящим гордыню. Мужайтеся, и да крепится сердце ваше, вси уповающии на Господа.

Псалом 90

Живый в помощи Вышняго, в крове Бога Небеснаго водворится. Речет Господеви: Заступник мой еси, и Прибежище мое, Бог мой, и уповаю на Него. Яко Той избавит тя от сети ловчи, и от словесе мятежна. Плещма Своима осенит тя, и под криле Его надеешися. Оружием обыдет тя истина Его, не убоишися от страха нощнаго, от стрелы летящия во дни, от вещи во тьме преходящия, от сряща и беса полуденнаго. Падет от страны твоея тысяща, и тьма одесную тебе, к тебе же не приближится. Обаче очима твоима смотриши, и воздаяние грешников узриши. Яко Ты Господи, Упование мое, Вышняго положил еси прибежище твое. Не приидет к тебе зло, и рана не приближится телеси твоему. Яко ангелом Своим заповесть о Тебе, сохранити тя во всех путех твоих. На руках возмут тя, да не когда преткнеши о камень ногу твою. На аспида и василиска наступиши, и попереши льва и змия. Яко на Мя упова, и избавлю и: покрыю и, яко позна Имя Мое: Воззовет ко Мне, и услышу его: с ним есмь в скорби, изму его: и прославлю его: Долготою дней исполню его, и явлю ему спасение Мое.

 Слава, и ныне:

Аллилуиа, аллилуиа, аллилуиа, слава Тебе Боже. Трижды.

Господи помилуй, трижды.

Слава, и ныне: 

Таже начинаем глаголати стихи со сладкопением, не скоро, и великим гласом.

Первый лик: С нами Бог, разумейте языцы, и покоряйтеся: яко с нами Бог.

Вторый лик, тожде.

Таже по чину кийждо лик свой стих.

Первый лик: Услышите до последних земли: яко с нами Бог.

Вторый лик:

Могущии покаряйтеся: яко с нами Бог.

Аще бо паки возможете, и паки побеждени будете: яко с нами Бог.

И иже аще совет совещаваете, разорит Господь: яко с нами Бог.

И слово, еже аще возглаголете, не пребудет в вас: яко с нами Бог.

Страха же вашего не убоимся, ниже смутимся: яко с нами Бог.

Господа же Бога нашего Того освятим, и Той будет нам в страх: яко с нами Бог.

И аще на Него надеяся буду, будет мне во освящение: яко с нами Бог.

И уповая буду на Него, и спасуся Им: яко с нами Бог.

Се аз и дети, яже ми даде Бог: яко с нами Бог.

Людие ходящии во тьме, видеша свет велий: яко с нами Бог.

Живущии во стране и сени смертней, свет возсияет на вы: яко с нами Бог.

Яко Отроча родися нам, Сын, и дадеся нам: яко с нами Бог.

Егоже начальство бысть на раме Его: яко с нами Бог.

И мира Его несть предела: яко с нами Бог.

И нарицается Имя Его, Велика Совета Ангел: яко с нами Бог.

Чуден Советник: яко с нами Бог.

Бог крепок, Властитель, Начальник мира: яко с нами Бог.

Отец будущаго века: яко с нами Бог.

Исполнившим же ся стихом, яко предречеся, поется.

С нами Бог, разумейте языцы, и покаряйтеся: яко с нами Бог.

И паки единицею от обою лику.

Слава: Первый лик: С нами Бог: И ныне: Вторый, тожде.

Таже два лика вкупе: Яко с нами Бог.

И абие настоящия тропари.

Первый лик: День прешед, благодарю Тя Господи, вечер, прошу, с нощию без греха подаждь ми Спасе, и спаси мя.

Вторый лик. Слава: День прешед, славословлю Тя Владыко, вечер, прошу, с нощию безсоблазнство подаждь ми Спасе, и спаси мя.

Два лика. И ныне: День прешед, песнословлю Тя Святый, вечер, прошу, с нощию ненаветен подаждь ми Спасе, и спаси мя.

Вкупе два лика:

Безплотное естество херувимское, немолчными песньми Тя славословят. Шестокрильная животная серафими, непрестанными гласы Тя превозносят: ангелов же вся воинства трисвятыми песньми Тя восхваляют. Прежде бо всех еси Сый Отец, и собезначальна имаши Твоего Сына: и равночестна носяй Духа жизни, Троицы являеши нераздельное.

Пресвятая Дево Мати Божия, и иже Слова самовидцы и слуги: пророк же и мученик вси лицы, яко безсмертну имуще жизнь: о всех молитеся прилежно, яко вси есмы в бедах. Да прелести избавльшеся лукаваго, ангельскую вопием песнь: Святый, Святый, Святый, Трисвятый Господи, помилуй и спаси нас, аминь.

И абие низким гласом:

 1 Верую во Единаго Бога Отца Вседержителя, Творца небу и земли, видимым же всем и невидимым.

2 И во Единаго Господа Иисуса Христа, Сына Божия, Единороднаго, Иже от Отца Рожденнаго прежде всех век. Света от Света, Бога Истинна, от Бога Истинна, рожденна, не сотворенна, единосущна Отцу, Имже вся быша.

3 Нас ради человек, и нашего ради спасения сшедшаго с небес, и воплотившагося от Духа Свята и Марии Девы, и вочеловечшася.

4 Распятаго же за ны при Понтийстем Пилате, и страдавша, и погребена.

5 И воскресшаго в третий день, по Писанием.

6 И возшедшаго на небеса, и седяща одесную Отца.

7 И паки грядущаго со славою судити живым и мертвым, Егоже Царствию не будет конца.

8 И в Духа Святаго, Господа Животворящаго, Иже от Отца Исходящаго, Иже со Отцем и Сыном Спокланяема и Сславима, глаголавшаго пророки.

9 Во едину святую, соборную и апостольскую Церковь.

10 Исповедую едино крещение, во оставление грехов.

11 Чаю воскресения мертвых:

12 И жизни будущаго века, аминь.

Тропарь, глас 4:

 Рождество Твое, Христе Боже наш, воссия мирови свет разума, в нем бо звездам служащии звездою учахуся Тебе кланятися Солнцу правды и Тебе ведети с высоты Востока, Господи, слава Тебе.

Кондак, глас 3:

 Дева днесь Пресущественнаго рождает, и земля вертеп Неприступному приносит; Ангели с пастырьми славословят, волсви же со звездою путешествуют: нас бо ради родися Отроча младо, Превечный Бог.

Слава, и ныне:

Честнейшую херувим:

Именем Господним благослови, отче.

Молитвами святых отец наших: Аминь.

И молитву сию Великаго Василиа:

 Господи Господи, избавлей нас от всякия стрелы летящия во дни, избави нас и от всякия вещи во тьме преходящия. Приими жертву вечернюю рук наших воздеяние. Сподоби же нас и нощное поприще без порока прейти, неискушены от злых. И избави нас от всякаго смущения и боязни, яже от диавола нам прибывающия. Даруй душам нашим умиление, и помыслом нашим попечение, еже на страшнем и праведнем Твоем суде испытания. Пригвозди страху Твоему плоти наша, и умертви уды наша сущия на земли: да и сонным безмолвием просветимся зрением судеб Твоих. Отими же от нас всякое мечтание неподобное, и похоть вредну. Возстави же нас во время молитвы, утверждены в вере, и преспевающия в заповедех Твоих, благоволением, и благостию Единороднаго Сына Твоего: с Нимже благословен еси, с Пресвятым, и Благим, и Животворящим Твоим Духом, ныне и присно, и во веки веков, аминь.

И абие:

Приидите, поклонимся: трижды. И поклоны 3.

Таже

 Псалом 50

Помилуй мя Боже, по велицей милости Твоей и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя. Яко беззаконие мое аз знаю, и грех мой предо мною есть выну. Тебе единому согреших, и лукавое пред Тобою сотворих, яко да оправдишися во словесех Твоих, и победиши, внегда судити Ти. Се бо в беззакониих зачат есмь, и во гресех роди мя мати моя. Се бо истину возлюбил еси, безвестная и тайная премудрости Твоея явил ми еси. Окропиши мя иссопом, и очищуся: омыеши мя, и паче снега убелюся. Слуху моему даси радость и веселие, возрадуются кости смиренныя. Отврати лице Твое от грех моих, и вся беззакония моя очисти. Сердце чисто созижди во мне Боже, и дух прав обнови во утробе моей. Не отвержи мене от лица Твоего, и Духа Твоего Святаго не отими от мене. Воздаждь ми радость спасения Твоего, и Духом Владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей Боже, Боже спасения моего, возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен: сердце сокрушенно и смиренно Бог не уничижит. Ублажи Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая: тогда возложат на олтарь Твой тельцы.

Псалом 101

Господи, услыши молитву мою, и вопль мой к Тебе да приидет. Не отврати лица Твоего от мене: воньже аще день скорблю, приклони ко мне ухо Твое: воньже аще день призову Тя, скоро услыши мя. Яко исчезоша яко дым дние мои, и кости моя яко сушило сосхошася. Уязвен бых яко трава, и изсше сердце мое, яко забых снести хлеб мой. От гласа воздыхания моего, прильпе кость моя плоти моей. Уподобихся неясыти пустынней, бых яко нощный вран на нырищи. Бдех, и бых яко птица, особящаяся на зде. Весь день поношаху ми врази мои, и хвалящии мя мною кленяхуся. Зане пепел яко хлеб ядях, и питие мое с плачем растворях. От лица гнева Твоего и ярости Твоея, яко вознес низвергл мя еси. Дние мои яко сень уклонишася, и аз яко сено изсхох. Ты же Господи, во век пребываеши, и память Твоя в род и род. Ты воскрес ущедриши Сиона: яко время ущедрити его, яко прииде время. Яко благоволиша раби Твои камение его, и персть его ущедрят. И убоятся языцы Имене Господня, и вси царие земстии славы Твоея. Яко созиждет Господь Сиона, и явится во славе Своей. Призре на молитву смиренных, и не уничижи моления их. Да напишется сие в род ин, и людие зиждемии восхвалят Господа. Яко приниче с высоты святыя Своея, Господь с небесе на землю призре: услышати воздыхание окованных, разрешити сыны умерщвленных: Возвестити в Сионе Имя Господне, и хвалу Его во Иерусалиме. Внегда собратися людем вкупе, и царем еже работати Господеви. Отвеща ему на пути крепости его, умаление дней моих возвести ми. Не возведи мене в преполовение дней моих, в роде родов лета Твоя. В началех Ты Господи, землю основал еси, и дела руку Твоею суть небеса. Та погибнут, Ты же пребываеши: и вся яко риза обетшают, и яко одежду свиеши я, и изменятся. Ты же тойжде еси, и лета Твоя не оскудеют. Сынове раб Твоих вселятся, и семя их во век исправится.

 Молитва Манассии царя Иудейска:

Господи Вседержителю, Боже отец наших, Авраамов, и Исааков, и Иаковль, и семене их праведнаго: сотворивый небо и землю со всею лепотою их, связавый море словом повеления Твоего, заключивый бездну, и запечатствовавый ю страшным и славным именем Твоим, егоже вся боятся, и трепещут от лица силы Твоея ?яко непостоянно великолепие славы Твоея?*, и не стерпимь гнев, еже на грешники прещения Твоего. Безмерна же и неизследованна милость обещания Твоего: Ты бо еси Господь Вышний, благоутробен. долготерпелив и многомилостив, и каяйся о злобах человеческих. Ты Господи, по множеству благости Твоея, обещал еси покаяние и оставление согрешившим Тебе, и множеством щедрот Твоих, определил еси покаяние грешником во спасение. Ты убо Господи Боже сил, не положил еси покаяние праведным, Аврааму и Исааку и Иакову, не согрешившим Тебе. Но положил еси покаяние на мне грешнем: зане согреших паче числа песка морскаго. Умножишася беззакония моя, Господи, умножишася беззакония моя: и несмь достоин воззрети, и видети высоту небесную от множества неправд моих. Слячен есмь многими узами железными, во еже не возвести главы моея, и несть ми ослабления: зане прогневах ярость Твою, и лукавое пред Тобою сотворих, не сотворивый воли Твоея, и не сохранивый повелений Твоих. И ныне приклоняю колена сердца, требуя от Тебе благости: согреших Господи, согреших, и беззакония моя аз вем: но прошу моляся, ослаби ми Господи, ослаби ми, и не погуби мене со беззаконьми моими. Ниже в век враждовав соблюдеши зол моих, ниже осудиши мя в преисподних земли. Зане Ты еси Боже, Бог кающихся, и на мне явиши всю благость Твою, яко недостойна суща спасеши мя, по мнозей милости Твоей, и восхвалю Тя выну во днех живота моего: яко Тя поет вся сила небесная, и Твоя есть слава во веки веков, аминь.

Трисвятое.

Поклоны три.

Пресвятая Троице:

Отче наш:

Кондак, глас 3:

 Дева днесь Пресущественнаго рождает, и земля вертеп Неприступному приносит; Ангели с пастырьми славословят, волсви же со звездою путешествуют: нас бо ради родися Отроча младо, Превечный Бог.

Господи помилуй, 40. Слава, и ныне: Честнейшую херувим: Именем Господним благослови, отче.

Молитвами святых отец наших: Аминь.

И молитву:

 Владыко Боже Отче Вседержителю, Господи, Сыне Единородный Иисусе Христе, и Святый Душе, Едино Божество, Едина Сила, помилуй мя грешнаго: и имиже веси судьбами, спаси мя недостойнаго раба Твоего, яко благословен еси во веки веков, аминь.

Приидите, поклонимся: трижды.

 И абие:

Псалом 69

Боже, в помощь мою вонми, Господи, помощи ми потщися. Да постыдятся и посрамятся ищущии душу мою. Да возвратятся вспять, и постыдятся хотящии ми злая. Да возвратятся абие стыдящеся, глаголющии ми: благоже, благоже. Да возрадуются и возвеселятся о Тебе вси ищущии Тебе Боже: и да глаголют выну, да возвеличится Господь, любящии спасение Твое. Аз же нищ есмь и убог, Боже помози ми: Помощник мой, и Избавитель мой еси Ты, Господи не закосни.

Псалом 142

Господи, услыши молитву мою, внуши моление мое во истине Твоей, услыши мя в правде Твоей: И не вниди в суд с рабом Твоим, яко не оправдится пред Тобою всяк живый. Яко погна враг душу мою, смирил есть в землю живот мой: Посадил мя есть в темных, яко мертвыя века. И уны во мне дух мой, во мне смятеся сердце мое. Помянух дни древния, поучихся во всех делех Твоих, в творениих руку Твоею поучахся. Воздех к Тебе руце мои: душа моя яко земля безводная Тебе. Скоро услыши мя Господи, исчезе дух мой: не отврати лица Твоего от мене, и уподоблюся низходящим в ров. Слышану сотвори мне заутра милость Твою, яко на Тя уповах. Скажи мне Господи путь, воньже пойду, яко к Тебе взях душу мою. Изми мя от враг моих, Господи к Тебе прибегох, научи мя творити волю Твою, яко Ты еси Бог мой. Дух Твой Благий наставит мя на землю праву. Имене Твоего ради Господи, живиши мя, правдою Твоею изведеши от печали душу мою: И милостию Твоею потребиши враги моя, и погубиши вся стужающия души моей, яко аз раб Твой есмь.

Слава в вышних Богу, и на земли мир, в человецех благоволение. Хвалим Тя, благословим Тя, кланяем Ти ся, славословим Тя, благодарим Тя, великия ради славы Твоея. Господи Царю Небесный, Боже Отче Вседержителю, Господи Сыне Единородный Иисусе Христе, и Святый Душе: Господи Боже, Агнче Божий, Сыне Отечь, вземляй грех мiра, помилуй нас: вземляй грехи мiра, приими молитву нашу, седяй одесную Отца, помилуй нас. Яко Ты еси Един Свят, Ты еси Един Господь, Иисус Христос, в славу Бога Отца, аминь.

На всяку нощь благословлю Тя, и восхвалю Имя Твое во веки, и в век века.

Господи, прибежище был еси нам в род и род. Аз рех: Господи, помилуй мя, исцели душу мою, яко согреших Тебе. Господи, к Тебе прибегох, научи мя творити волю Твою, яко Ты еси Бог мой: яко у Тебе источник живота, во свете Твоем узрим свет. Пробави милость Твою ведущим Тя.

Таже: Сподоби Господи в нощь сию без греха сохранитися нам. Благословен еси Господи, Боже отец наших, и хвально, и прославлено Имя Твое во веки, аминь.

Буди Господи, милость Твоя на нас, якоже уповахом на Тя. Благословен еси Господи, научи мя оправданием Твоим. Благословен еси Владыко, вразуми мя оправданием Твоим. благословен еси Святый, просвети мя оправдании Твоими. Господи, милость Твоя во век, дел руку Твоею не презри. Тебе подобает хвала, Тебе подобает пение, Тебе слава подобает, Отцу, и Сыну, и Святому Духу, ныне и присно и во веки веков, аминь.

На литии стихиры самогласны, глас 1. Иоанна монаха:

 Небо и земля днесь пророчески да возвеселятся, ангели и человецы духовно да торжествуют: яко Бог во плоти явися, сущим во тьме и сени седящим, рождейся от Девы, вертеп и ясли прияша Того: пастырие чудо проповедуют, волсви от восток в Вифлеем дары приносят. Мы же хвалу недостойными устнами, ангельски Тому принесем: слава в вышних Богу, и на земли мир: прииде бо чаяние языков, пришед спасе нас от работы вражия.

Небо и земля днесь совокупишася, рождшуся Христу: днесь Бог на землю прииде, и человек на небеса взыде: днесь видим eсть плотию, eстеством невидимый, человека ради. Сего ради и мы славословяще возопиим Eму: слава в вышних Богу, и на земли мир: дарова бо пришествие Твое, Спасе наш, слава Тебе.

Слава в выших Богу, в Вифлееме слышу от безплотных днесь, на земли мир благоволившему быти: ныне Дева небес ширши. Возсия бо Свет омрачeнным, и смирeнныя возвыси ангельски поющия: слава в вышних Богу.

По образу и по подобию, истлевша преступлением видев Иисус, приклонив небеса сниде, и вселися во утробу девственную неизменно, да в ней истлевшаго Адама обновит, зовуща: слава явлению Твоему, Избавителю мой и Боже.

Слава, глас 5: Иоанна монаха:

Волсви персидстии царие, познавше яве на земли рождшагося Царя Небеснаго, от светлыя звезды водими, достигоша в Вифлеем, дары носяще избранныя, злато, и ливан, и смирну, и падше поклонишася: видеша бо в вертепе Младенца лежаща Безлетнаго.

И ныне, глас 6: Германово:

Ликуют ангели вси на небеси, и радуются человецы днесь: играет же вся тварь рождшагося ради в Вифлееме Спаса Господа: яко всякая лесть идольская преста, и цартвует Христос во веки.

На стиховне стихиры, самогласны, глас 2. Германово:

 Велие и преславное чудо совершися днесь: Дева раждает и утроба не истлевает: Слово воплощается и Oтца не отлучается. Ангели с пастырьми славят, и мы с ними вопием: слава в вышних Богу, и на земли мир.

Глас 3: Стих:

Из чрева прежде денницы родих Тя: клятся Господь, и не раскается.

Днесь раждает Дева Творца всех: Eдем приносит вертеп, и звезда показует Христа, Солнца сущим во тьме. С дары волсви поклонишася, верою просвещаеми: и пастырие видеша чудо, ангелом воспевающим и глаголющим: слава в вышних Богу.

Стих: Рече Господь Господеви моему: седи одесную Мене. Анатолиево:

Господу Иисусу рождшуся в Вифлееме Иудейстем, от восток пришедше волсви, поклонишася Богу вочеловечшуся, и сокровища своя усердно отверзши, дары честныя приношаху: искушено злато, яко Царю веков: и ливан, яко Богу всех: яко тридневному же мертвецу, смирну Безсмертному. Вси языцы приидите поклонимся Рождшемуся, спасти души наша.

Слава, глас 4: Иоанна монаха:

Веселися Иерусалиме, торжествуйте вси любящии Сиона: днесь временный разрешися соуз осуждения Адамова, рай нам отверзеся, змий упразднися: юже бо прельсти первее, ныне узре Содетелеву бывшу Матерь. О глубина богатства, и премудрости, и разума Божия! Яже исходатаивши смерть всей плоти, греховный сосуд, спасения начало бысть миру всему, Богородицы ради. Младенец бо раждается из Нея Всесовершенный Бог, и рождеством девство печатствует: пленицы греховныя разрешая пеленами, и младенства ради, Eвины врачует яже в печалех болезни. Да ликовствует убо вся тварь, и да играет: обновити бо ю прииде Христос, и спасти души наша.

И ныне, глас тойже:

В вертеп вселился eси Христе Боже, ясли Тя восприяша, пастырие же и волсви поклонишася. Тогда убо пророческая исполнися проповедь, и ангельския силы дивляхуся, вопиюще и глаголюще: слава схождению Твоему, eдине Человеколюбче.

Таже,

Ныне отпущаеши:

Трисвятое.

По Отче наш:

Тропарь, глас 4:

Рождество Твое Христе Боже наш,

возсия мирови свет разума:

в нем бо звездам служащии, звездою учахуся,

Тебе кланятися Солнцу правды,

и Тебе ведети с высоты Востока:

Господи слава Тебе.

Таже, Буди имя Господне благословено от ныне и до века: трижды.

Благословлю Господа на всякое время:

Конец: Не лишатся всякаго блага.

Таже, чтения праздника, в толковании еже от Матфеа, Слово 4.

Посем,

Слава в вышних Богу: и екса псалмы, по обычаю.

 УТРЕНЯ  (с переводом на русский язык)

Рождество Христово — что поется в этот день в храме 

На Утрени, Наш Бог Господь, тропарь праздника трижды.

По 1-м стихословии седален, глас 1.
Подобен: Гроб Твой Спасе:


В яслех нас ради безсловесных положился еси, долготерпеливе Спасе, младенствовав волею, пастырие же Тя воспеша со ангелы, зовуще: слава и хвала на земли рожденному и обожившему земнородных существо, Христу Богу нашему.

Ради нас, Спаситель долготерпеливый, Ты лег в ясли бессловесных (животных), по воле (Своей) быв младенцем. Пастухи же Тебе воспели вместе с ангелами, восклицая: «Слава и хвала Христу Богу нашему, рожденному на земле и обожившему существо земнородных».

Слава, и ныне, тойже
По 2-м стихословии седален, глас 3.
Подобен: Красоте девства:

Превечнаго и Непостижимаго, соприсносущнаго невидимому Отцу, во утробе носила еси Богородице, едино и неслиянно Троицы Божество. Просия благодать Твоя в мире, Всепетая, темже непрестанно вопием: радуйся, Чистая Дево Мати.

Ты, Богородица, носила плотию в утробе Предвечного и Непостижимого, всегда существующего с невидимым Отцом единое и неслиянное Божество Троицы. Благодать Твоя просияла в мире, всеми Воспеваемая! Потому мы непрестанно восклицаем: Радуйся, Чистая Дева Мать!

Слава, и ныне, тойже, и чтение.

Величание.

Величаем Тя Живодавче Христе, нас ради ныне плотию рождшагося от Безневестныя и Пречистыя Девы Марии.

Величаем Тебя, Податель жизни Христос, ради нас ныне родившегося плотию от Безневестной и Пречистой Девы Марии.

Псалом избранный (стихи к величанию)

Воскликните Господеви вся земля.

Воскликни Господу, вся земля (Пс. 65, 2а).

Пойте же имени Его.

Пойте же имени Его (Пс. 65, 2б).

Дадите славу хвале Его.

Воздайте славу хвалою Его (Пс. 65, 2в).

Поведите вся чудеса Его.

Поведайте о всех чудесах Его (Пс. 104, 2).

Рцыте Богу: коль страшна дела Твоя.

Скажите Богу: сколь страшны дела Твои (Пс. 65, 3а).

Да возвеселятся небеса, и возрадуется земля.

Да возвеселятся небеса, и да радуется земля (Пс. 95, 11а).

Воспойте Господеви: пойте имени Его.

Воспойте Господу, пойте имени Его. (Пс. 67, 5а).

Исповедание и великолепие дело Его.

Хвала и великолепие дело Его (Пс. 110, 3а).

Избавление посла людем Своим.

Избавление послал Он народу Своему (Пс. 110, 9а).

Свято и страшно имя Его.

Свято и страшно имя Его (Пс. 110, 9в).

От Сиона благолепие красоты Его.

С Сиона благолепие красоты Его (Пс. 49, 2).

Бог же наш на небеси и на земли, вся елика восхоте, сотвори.

Бог же наш на небе и на земле все, что захотел, сделал (Пс. 113, 11).

Милости Твоя Господи во век воспою.

Милости твои, Господи, во век буду воспевать (Пс. 88, 2а).

Той воззовет Мя: Отец Мой еси Ты.

Он будет звать Меня: Ты Отец Мой (Пс. 88, 27а).

И Аз первенца положу Его.

И Я первенцем поставлю Его (Пс. 88, 28а).

Высока паче царей земных.

Превыше царей земли (Пс. 88, 28б).

И поклонятся Ему вси царие земстии.

И поклонятся Ему все цари земные (Пс. 71, 11а).

Кто бог велий, яко Бог наш? Ты еси Бог творяй чудеса.

Кто бог (столь) великий, как Бог наш? Ты Бог – творящий чудеса. (Пс. 76, 14б).

Мышцею силы Твоея разгнал еси враги Твоя.

Сильною мышцею Твоею рассеял врагов Твоих (Пс. 88, 11).

Из чрева прежде денницы родих Тя.

Из чрева прежде денницы Я родил Тебя (Пс. 109, 3в).

Клятся Господь, и не раскается.

клялся Господь и не раскается (Пс. 109, 4а).

Ты Иерей во век по чину Мелхиседекову.

Ты Священник во век по чину Мелхиседека (Пс. 109, 4б).

Господь рече ко Мне: Сын Мой еси Ты.

Господь сказал Мне: Ты Сын Мой (Пс. 2, 7б).

Аз днесь родих Тя.

Я ныне родил Тебя (Пс. 2, 7в).

Проси от Мене, и дам Ти языки достояние Твое.

Проси у Меня, и дам Тебе народы в наследие Тебе (Пс. 2, 8а).

И одержание Твое концы земли.

И концы земли во владение Твое (Пс. 2, 8б).

В главизне книжней писася о Мне.

В свитке книжном написано о Мне (Пс. 39, 8).

Престол Твой Боже, в век века.

Престол Твой, Боже, в век века. (Пс. 44, 7а).

Жезл правости, жезл царствия Твоего.

Жезл правоты – жезл царства Твоего (Пс. 44, 7б).

Сего ради помаза Тя Боже, Бог Твой елеем радости.

Посему помазал Тебя, Боже, Бог Твой елеем радости более участников Твоих. (Пс. 44, 8б).

Яко Ты наследиши во всех языцех.

Ты наследуешь во всех народах (Пс. 88, 8б).

Благословен Господь во век, буди, буди.

Благословен Господь во век. Да будет, да будет. (Пс. 88, 53).

По полиелеи седален, глас 4:
Подобен: Удивися Иосиф:

Приидите, видим вернии, где родися Христос: последуем прочее, аможе идет звезда, с волхвы восточными цари: Егоже ангели поют непрестанно тамо, пастырие свиряют песнь достойную, слава в вышних, глаголюще, днесь в вертепе Рождшемуся от Девы и Богородицы, в Вифлееме Иудейстем.

Приидите, верные, посмотрим, где родился Христос; последуем затем за волхвами, восточными царями, туда, куда идет звезда; Тому, Кого поют там непрестанно ангелы, пастухи играют на свирелях достойную песнь, приговаривая: «Слава в вышних Родившемуся сегодня от Девы и Богородицы в пещере Вифлеема Иудейского».

Слава, и ныне, тойже.

Степенна, 1-й антифон 4-го гласа.

Прокимен, глас 4:

Из чрева прежде денницы родих Тя, клятся Господь и не раскается.

Из чрева прежде денницы Я родил Тебя. Клялся Господь и не раскается (Пс. 109, 3).

Стих: Рече Господь Господеви моему: седи одесную Мене: дондеже положу враги Твоя подножие ног Твоих.

Сказал Господь Господу моему: сиди одесную от Меня, доколе положу врагов Твоих в подножие ног Твоих (ст. 1).

Всякое дыхание да хвалит Господа: Хвалите Бога во святых Его:

Евангелие от Матфеа, зачало 2 (Гл. 1, 18 – 25).

Иисус Христово Рождество сице бе: обрученней бо бывши Матери Его Марии Иосифови, прежде даже не снитися има, обретеся имущи во чреве от Духа Свята.

Рождество Иисуса Христа было так: по обручении Матери Его Марии с Иосифом, прежде нежели сочетались они, оказалось, что Она имеет во чреве от Духа Святого.

Иосиф же муж Eя, праведен сый и не хотя Eя обличити, восхоте тай пустити Ю.

Иосиф же муж Ее, будучи праведен и не желая огласить Ее, хотел тайно отпустить Ее.

Сия же eму помыслившу, се, ангел Господень во сне явися eму, глаголя: Иосифе, сыне Давидов, не убойся прияти Мариам жены твоея: рождшеебося в Ней, от Духа eсть Свята:

Но когда он помыслил это, – се, Ангел Господень явился ему во сне и сказал: Иосиф, сын Давидов! не бойся принять Марию, жену твою, ибо родившееся в Ней есть от Духа Святого;

Родит же Сына, и наречеши имя Eму Иисус: Той бо спасет люди Своя от грех их.

Родит же Сына, и наречешь Ему имя Иисус, ибо Он спасет людей Своих от грехов их.

Сие же все бысть, да сбудется реченное от Господа пророком, глаголющим:

А все сие произошло, да сбудется реченное Господом через пророка, который говорит:

Се, Дева во чреве приимет и родит Сына, и нарекут имя Eму Eммануил, eже eсть сказаемо: с нами Бог.

Се, Дева во чреве приимет и родит Сына, и нарекут имя Ему Еммануил, что значит: с нами Бог.

Востав же Иосиф от сна, сотвори якоже повеле eму ангел Господень, и прият жену свою,

Встав от сна, Иосиф поступил, как повелел ему Ангел Господень, и принял жену свою,

И не знаяше Eя, дондеже роди Сына Своего первенца, и нарече имя Eму Иисус.

И не знал Ее. Как наконец Она родила Сына Своего первенца, и он нарек Ему имя: Иисус.

По 50-м псалме вместо Молитвами Богородицы: поем:
Слава Отцу и Сыну и Святому Духу:

Всяческая днесь радости исполняются, Христос родися от Девы.

Все сегодня полно радости: Христос родился от Девы.

И ныне, и присно, и во веки веков. Аминь.

Всяческая днесь радости исполняются, Христос родися в Вифлееме.

Все сегодня полно радости: Христос родился в Вифлееме.

Таже: Помилуй мя, Боже:

И стихира, глас 6:

Слава в вышних Богу, и на земли мир, днесь восприемлет Вифлеем Седящаго присно со Отцем, днесь ангели Младенца рожденнаго боголепно славословят: слава в вышних Богу, и на земли мир, в человецех благоволение.

Слава в вышних Богу, и на земле мир; сегодня Вифлеем принимает Сидящего всегда со Отцом; сегодня ангелы богоприлично славословят родившегося Младенца: слава в вышних Богу, и на земле мир, в людях благоволение.

Канона два,
ирмосы обою канонов по дважды: тропари же на 12.
Канон первый, творение кир Космы, егоже краестрочие: Христос вочеловечився, еже бе, Бог пребывает. Глас 1.

Песнь 1.

Ирмос: Христос раждается, славите. Христос с небес, срящите. Христос на земли, возноситеся. Пойте Господеви вся земля и веселием воспойте, людие, яко прославися.

Христос рождается – славьте! Христос с небес – встречайте! Христос на земле – возноситесь! Пой Господу вся земля и с веселием воспойте люди, ибо Он прославился.

Истлевша преступлением, по Божию образу бывшаго, всего тления суща, лучшия отпадша Божественныя жизни паки обновляет мудрый Содетель, яко прославися.

Истлевшего вследствие преступления, но созданного по образу Божию, всецело подвергшегося порче, отпавшего от высшей Божественной жизни вновь восстанавливает мудрый Создатель, ибо Он прославился.

Видев Зиждитель гиблема человека, руками егоже созда, приклонив небеса сходит, сего же от Девы Божественныя Чистыя, всего осуществует, воистинну воплощься, яко прославися.

Творец, видя гибель человека, которого создал руками, приклонив небеса нисходит и осуществляет всего его от Божественной Чистой Девы, воистину воплотившись, ибо Он прославился.

Мудрость, слово, и сила, Сын сый Отчий, и сияние, Христос Бог, сил утаився, елико премирных, и елико на земли, и вочеловечься обновил есть нас, яко прославися.

Будучи мудростью, словом, силою, Сыном Отца и сиянием (Его), Христос Бог, тайно от всех сил, сколько их ни есть выше мира и на земле, вочеловечившись, обновил нас, ибо Он прославился.

Другий канон. Творение кир Иоанна, глас тойже.
Песнь 1.

Ирмос: Спасе люди чудодействуяй Владыка, мокрую моря волну оземленив древле: волею же рождься от Девы, стезю проходну небесе полагает нам, Егоже по существу, равна же Отцу и человеком славим.

Спас народ чудесно Владыка, осушив в древности влажные морские волны. Добровольно же родившись от Девы, Он проложил нам проходимую стезю на небо. Его, равного по существу и Отцу и людям, мы прославляем.

Изнесе чрево Священное Слово, яве неопально живописанное купиною, смешена зраком человечим Бога, Евы окаянную утробу клятвы древния разрешающее горькия, Егоже земнии славим.

Освященное чрево, ясно прообразованное несгараемою купиною, родило Слово, Бога, соединившего с Собою образ человеческий, (Слово,) освобождающее несчастную утробу Евы от горького древнего проклятия. Его мы, земные, прославляем.

Показа звезда прежде солнца Слово пришедшее уставити грехи, волхвом яве во убозем вертепе, милостиваго Тебе пеленами повита: Егоже радующеся видяху Самого и человека и Господа.

Звезда ясно указала волхвам Тебя, существующее прежде солнца Слово, пришедшее прекратить грех, в убогой пещере из сострадания (к нам) повитое пеленами, в Котором они с радостью увидели человека и вместе Господа.

Катавасиа 1-го канона ирмос, 1-й лик: и 2-го, 2-й лик.

Песнь 3

Ирмос: Прежде век от Отца рожденному нетленно Сыну и в последняя от Девы воплощенному безсеменно Христу Богу возопиим: вознесый рог наш, Свят еси, Господи.

Прежде веков нетленно родившемуся от Отца Сыну и в последние времена бессеменно воплотившемуся от Девы Христу Богу воскликнем: возвысивший рог наш, Свят Ты, Господи.

Иже духновения причащься лучшаго Адам перстный, и к тлению поползся женскою лестию, Христа от Жены видя, вопиет: Иже мене ради по мне быв, Свят еси, Господи.

Причастный лучшего дыхания Адам бренный и по обольщению жены подвергшийся тлению, видя Христа от Жены, восклицает: ставший для меня подобным мне, Свят Ты, Господи.

Сообразен бренному умалению, растворением, Христе, быв, и причастием плоти горшия, подав Божественнаго естества, землен быв, и пребыв Бог, и возвысивый рог наш, Свят еси, Господи.

Христе, ставший сообразнымбренному умалению чрез растворение (в нем) и чрез соединение с низшей (Себя) плотию подавший (нам) от Божественной природы, ставший земным и оставшийся Богом, возвысивший рог наш, Свят Ты, Господи.

Вифлееме, веселися, князей Иудовых сый царь: Израиля бо пасый, на рамех херувимских, из тебе пройде Христос яве: и вознесый рог наш, над всеми воцарися.

Веселись, Вифлеем, будучи царем князей Иудовых; ибо пасущий Израиля с плечей херувимских Христос явно из тебя произошел и, возвысив рог наш, воцарился над всеми.

Ин.

Ирмос: Призри на пения рабов Благодетелю, врага смиряя вознесенную гордыню: носяй же, Всевидче, греха превыше непоколеблемо, утвержденныя, Блаже, певцы основанием веры.

Обрати внимание на песни рабов (Твоих), Благодетель, смиряя надменную гордость врага и держа выше греха, Всевидец, певцов (Твоих), непоколебимо утвержденных, Благий, на основе веры.

Невесты Пречистыя пребогатое Рождество, видети паче ума лик свиряющих, преклоняшеся странным образом: чин же поющих безплотных Царя Христа, безсеменно воплощшагося.

Хор свирельщиков необычайным образом волновался, сподобившись сверх ума увидеть пребогатое Рождество Пречистой Невесты и воинство бесплотных, воспевающих воплотившегося бессеменно Царя Христа.

Высотою Царствуяй небес, милосердием совершает о нас из безневестныя Отроковицы, невеществен сый прежде: но послежде Слово одебелевшо плотию, да падшаго к Себе привлечет первозданнаго.

Царствующий над высотою небес по милосердию делает все касающееся нас из божественной Отроковицы, будучи прежде невещественным Словом, а потом получившим твердость плоти, чтобы привлечь к Себе падшего первосозданного.

Ипакои, глас 8:

Начаток языков, небо Тебе принесе, лежащему Младенцу во яслех, звездою волхвы Призвавый, яже и ужасаше, не скиптры и престоли, но последняя нищета: что бо хуждше вертепа? Что же смиреншее пелен? В нихже просия Божества Твоего богатство, Господи, слава Тебе.

Начаток народов принесло Тебе, Младенцу, лежащему в яслях, небо, призвавши звездою волхвов, которых поразили не скипетры и престолы, а крайняя нищета, ибо что беднее пещеры? Что смиренне пелен? А между тем в них просияло богатство Божества Твоего. Господи, слава Тебе.

Песнь 4.

Ирмос: Жезл из корене Иессеова, и цвет от него, Христе, от Девы прозябл еси, из горы хвальный, приосененныя чащи, пришел еси воплощься от Неискусомужныя Невещественный Боже: слава силе Твоей, Господи.

Жезл от корня Иессеева и цвет от него, Христос! Ты пророс от Девы, от горы – тенистой чащи пришел Ты, хвалимый, воплотившись от Безмужной, Невещественный и Боже. Слава силе Твоей, Господи.

Егоже древле прорече Иаков, языков ожидание Христе, от колена Иудова возсиял еси, и силу Дамаскову, Самарийскую же корысть пришел еси испроврещи, лесть пременяя в веру боголепну: слава силе Твоей, Господи.

Христос, Которого в древности Иаков пророчески назвал ожиданием народов! Ты воссиял от колена Иудова и пришел ниспровергнуть могущество Дамаска и хищничество Самарии, заменяя заблуждение богоприличною верою. Слава силе Твоей, Господи.

Волхва древле Валаама словесы ученики, мудрыя звездоблюстители, радости исполнил еси, звезда от Иакова возсияв, Владыко, языков начаток вводимый, приял же еси яве: слава силе Твоей, Господи.

Воссияв, (как) звезда, от Иакова, Владыка, Ты исполнил радости мудрых наблюдателей звезд последователей учения прорицателя древности Валаама и (в лице их) явно принял вводимый (к Тебе) начаток (языческих) народов. Слава силе Твоей, Господи.

Яко на руно, во чрево Девы сшел еси дождь, Христе, и яко капли на землю каплющия. Ефиопиа и Фарсис, и Аравитстии острови же, Сава, Мидов всю землю держащии, припадоша Тебе Спасе: слава силе Твоей, Господи.

Как дождь на руно и как капли, каплющие на землю, Ты сошел, Христос, во чрево Девы, Эфиопия и Фарсис, Аравийские острова и Сава, владеющие всею землею Мидийцев, припали к Тебе, Спаситель. Слава силе Твоей, Господи.

Ин.

Ирмос: Рода человеча обновление, древле поя пророк Аввакум предвозвещает, видети неизреченно сподобився образ: младый Младенец бо из горы Девы изыде, людей во обновление Слово

Пророк Аввакум в древности песненно предвещает обновление человеческого рода, удостоившись неизреченно видеть образ (этого): ибо новорожденный Младенец – Слово вышел из горы – Девы для обновлеия людей.

Равен произыде человеком Вышний, волею плоть приим от Девы, яд очистити змиевы главы, приводя вся к свету живоносному, Бог сый, от врат безсолнечных.

Всевышний, Ты пришел (как) равный людям, добровольно приняв плоть от Девы, чтобы счистить яд змеиной головы, (и) приводя всех как Бог к живоносному свету от бессолнечных ворот.

Языцы иже древле тлею погружени, пагубы зело вражия убежавше, возносят руки с похвальными песньми, единаго чтуще Христа яко благодетеля, к нам милостивно пришедшаго.

 

Информация
Посетители, находящиеся в группе Гости, не могут оставлять комментарии к данной публикации.